ساعات بتكون إيدك في أيديا عادي كده يارب وماشيين وفجأة بقولك أقف أستني مقلتليش رايحيين على فين
كأني مش مطمن بيك كأني مثلاً شاكك فيك مع إني المفروض في إيديك لا بأخاف ولا أشك ولا أبقي حزين
أنا آسف على قلقي وشكي.. آسف على نص التسليم على نص الإيمان ومشاكله.. أنا آسف يا يسوع يا عظيم (2)
أنا متأسف قدام كل الدنيا بقولك أنا غلطان لسه برغم العشرة ديه ببقي ساعات قلقان وجبان
وأنا مش راضي ومش مبسوط عدم الإيمان شبه الموت مش مستني العمر يفوت وأنا بأحبي ولسه ضعيف إيمان
أنا آسف تاني وميت مرة آسف على نص التسليم على نص الإيمان ومشاكله.. أنا آسف يا يسوع يا عظيم (2)
أنا محتاج أتعلم أسلم من غير حسابات أو تفكير وأجرب أغمض عيني وأقولك خدني مكان ما شايل لي الخير
جه الوقت إني مكنش بخاف مكنش بعيش بالمتشاف وخلاص الطفل الخواف لازم يتعلم يبقي كبير
أنا آسف تاني وميت مرة آسف على نص التسليم على نص الإيمان ومشاكله.. أنا آسف يا يسوع يا عظيم (2)